Kijukuu Cha Bibi K | Habari,Matukio na Burudani Tanzania

Tunakushukuru Sana kwa kuwa sehemu ya Mtandao wetu kwa takriban miaka 10 sasa! Tumesitisha Huduma kwa Muda Mpaka hapo Baadaye!

COPYRIGHT © Kijukuu Cha Bibi K | Habari,Matukio na Burudani Tanzania | POWERED BY ZOTEKALI WEB SERVICES

#Blog visitors

Kumbukumbu za Habari

POKEA HABARI KWA EMAIL

#Blog Tags

Ad Home

Header Ads

#All Popular News

Kijukuu Online Tv

Sikiliza KAHAMA FM

Advertisement

Banner

kijukuu-banner

SERIKALI YAMJIBU NAPE NNAUYE MRADI WA STIGGLER’S GORGE

Serikali imemjibu Mbunge wa Mtama, Nape Nnauye (CCM), kuwa mradi wa uzalishaji umeme wa maji wa Stiggler’s George upo katika Ilani Chama Cha Mapinduzi (CCM).

Majibu hayo yametolewa bungeni leo na Waziri wa Nishati, Dk. Medard Kalemani, ikiwa ni siku moja baada ya Nape kuukosoa mradi huo akisema unatekelezwa wakati haupo kwenye ilani ya chama hicho na kuachwa ule wa gesi ulio kwenye ilani hiyo.

Akijibu hoja hiyo na baadhi ya hoja zilizotolewa na wabunge waliokuwa wakichangia Hotuba ya Makadirio na Matumizi ya ofisi ya Waziri Mkuu inayotarajiwa kupitishwa na Bunge leo, Dk. Kalemani amesema ilani ya CCM imetaja vyanzo vya umeme vitakavyoendelezwa kuwa ni vya maji, gesi, upepo na makaa ya mawe.

“Haijataja mradi mmoja mmoja, imeeleza vyanzo vya umeme vitakavyoendelezwa ili tupate umeme wa uhakika mpaka tuweze kukaa hapa na kusema mwingine tuuzie majirani zetu,” amesema Dk. Kalemani.

Amesema katika kile kinachodhihirisha kuwa miradi ya gesi haijatelekezwa, mpaka sasa megawati 787 za umeme unaotumika unatokana na nishati ya gesi.

“Na hii itaendelea kwa sababu mpaka 2020 pale Kinyerezi peke yake tutakuwa na megawati 1,560 zinazotokana na gesi pekee,” amesema Dk. Kalemani.

Akitoa hoja yake bungeni jana kuhusiana na mradi huo, Nape alisema anashangaa Serikali kuweka nguvu nyingi kwenye mradi wa umeme wa Stigler’s George ambao haupo kwenye ilani ya chama hicho na kuachana na umeme wa gesi ambao waliunadi wakati wa kampeni.

“Sasa ni bahati mbaya sana kwamba humu ndani hakuna kabisa kabisa (kwenye ilani), maana yake ni kwamba hili jambo pengine limenza kuachwa sasa tuende kwenye Stiglers lakini aje, hatusaliti ilani ya Uchaguzi ya CCM?

“Lakini je hatuwasaliti wana Lindi na Mtwara ambao walitupa kura na kutuamini kwamba gesi yao na uchumi wao uko salama,” alisema Nape.

No comments

Karibu tena,asante kwa kusoma habari hii!

#Weekly Top News